هيفضل التاريخ كتير يفتكر حادثة 6-1-2021 اقتحام الكونجرس، و الشو و اللقطة اللي حصلوا و هتفضل لبانة في بوء الناس كتير ، لكن سيبك من اللي حصل و أن الديمقراطية الأمريكية اخدت طعنة في مقتل ، و الحوارات الفاكسة دي ، ركز في المكسب اللي حصل من ورا اللقطة المعمولة بالاتفاق ، اه بالاتفاق ، كل المؤشرات بتقول انها بالاتفاق و مش عشوائية ولا اي هري فارغ ، الدلائل اللي بتقول كدة ، أن الكل عارف قبلها بفترة طويلة أن هيحصل مظاهرات مؤيدة لترامب و ترامب إكد اكتر من مرة أنه هيعملها ، فالطبيعي في الظروف دي و المعلومات المسبقة أن يتعمل حساب لليوم ده كويس قوي ، لان طبعا اقوي أجهزة الاستخبارات في العالم داخلية كانت أو خارجية هي في امريكا و في عشرات الجهات الأمنية اللي تقدر تتنبأ باي حدث كبير فضلا أنها تتنبأ بحدث اهبل زي ده ، طبعا محدش عمل حساب بالقصد و سابوا اللقطة تكمل ، حراسة ضعيفة علي الكونجرس ، شرطة اتعاملت بمنتهي التآمر مع المتظاهرين و فتحوا لهم الحواجز الحديد بل و فتحوا ابواب الكونجرس ذاته و اللي وضح اساسا الكلام ده ، لقطات الفيديو اللي بتقول أن لا حصل كسر لباب و لا عنف علي باب و كلها لقطات عبيطة، و بعدين السماح لهم بدخول غرف الكونجرس و منها غرفة رئيسته بيلوسي الكيادة لا و قالك وثائق مهمة انسرقت ، و يا اعلام احنا هننشر صور العيال الوحشة اللي عملت كدة و اللي عنده معلومة يساعدنا يا جدعان ، عبط احنا يا عصام علشان نصدق الفيلم ده ، الحاجة التانية أن ترامب لم المتظاهرين في تويتة واحدة و رجعهم بيوتهم بردو في تويتة واحدة مع أن ايه يا مؤمن أنصاره اساسا من البيض العنصريين المدججين بالسلاح و اللي اساسا في مظاهرات BLM. قتلوا بنفسهم ناس ، و محدش راح برصاصة واحدة في جيبه للكونجرس ، اللي هو يعني ازاي مش فاهم !! مع أنه مصرح لهم بحمل السلاح و دي مظاهرات عشوائية فوضاوية يعني مفيش بوابات و تفتيش ، لكن محصلش أنهم راحوا بسلاح، حاجة كمان ترامب قرر يوقف لحد هنا و بس مع أنه لو كان ناوي بجد يقلبها علي دماغ الكل كان يقدر فعلا يعملها و يدخل امريكيا حرب أهلية لكن العجيب أنها وقفت لحد كدة !! كل دي أدلة تقول إن الموضوع مش اكتر من لقطة لهدف معين ، نجي للهدف المعين و نقول إن المكاسب اللي حصلت من ورا اللقطة لأمريكا هي ،
اولا و اخيرا و عاشرا و مليون
أن القرار الأمريكي أصبح واحد بعد سيطرة الديمقراطيين علي السلطات التنفيذية و التشريعية و دي سابقة محصلتش كتير في تاريخ امريكا ، تاني حاجة عودة الجمهوريين الي حضن الديمقراطية الأمريكية تاني و غسل العار اللي لحق بهم علي ايد ترامب خلال مدة رئاسته ،
و توحيد القرار الأمريكي ده معناه بكل بساطة و سهولة و يسر
أن اللي جي عالميا شيء مختلف تماما عن السابق، قرار امريكي واحد، مفيش معارضة نهائي ، يعني لو قرروا يدبحوا دولة ما مش هتلاقي اي معارضة نهائيا مش هتبقي زي ايام ترامب هو عاوز حاجة و بيحمي حد و باقي القرار الأمريكي عاوز عكسه ،لا خلاص كان في و خلص ، و اللي جي مختلف تماما عما حد يتخيل ، عقوبات علي دولة كذا ، اوكي شغال ، نظام كذا يسقط ، يا سلام انت تؤمر يا باشا، حرب مع كذا ، عيني let's make America great again اي حاجة تتخليها حضرتك احنا فيها و اللي ميرضيش ربنا احنا معه و بندعمه ، و بكدة تتقفل صفحة في تاريخ امريكا ( مبدئيا ) و تتفتح صفحة استعادة الامبراطوريه الأمريكية القوة العظمي الوحيدة ،
ايه علاقة ده بالعنوان الدولة الاوباموية التانية ؟ لا متشغلش بالك به بعدين هتعرف أن اللي ورا كل ده هو أوباما و أن اللي هيدير امريكا من خلف الكواليس هو أوباما بردو ، اللي يعتبر العبقري الوحيد اللي جيه في تاريخ امريكا و قدر ينفذ بكل حرفية و مهنية تفتيت العالم من حوله بدون ما يبان له أثر في ده ،
ننتظر و نشوف
